De schötteldoek-Drents dialect....
Schrijven & dichten
Plaats reactie


luciaT.1



Stamgast
Stamgast
Lid sinds: 15-9-2019
Antw.: 350
Wo Okt 02, 2019 12:25 am Reageer met quote

Met de schötteldoek gung ’t vroeger raar heer,

Het was vaak ien gegléer en gesméer.

De jongen die zult er niet alles van weten,

En de aoldern wilt het maor ’t liefste vergeten.

Maor ik wil je graag oet de doeken doen,

Wat ie met een schötteldoek almaol kunt doen!

In iederhoes, klaor veur het gebroek,

Lag op ede hoek van de taofel, de schötteldoek.

’t Begunde ’s morgens al vro, met het wark bij de héerd,

Dan was de schötteldoek al daolijk veul wéerd.

Je handen wuurden voel van het roet en de as,

En hoe kreej ze weer schoon, as er gien schötteldoek was.

Dan muz ie koffie klaormaken, de melkers kwammen weer,

Even de schötteldoek deur de koppies en schoon waren ze weer.

Kinder kwammen van bedde of, Ootien stum op,

Almaol gauw even de schötteldoek um de kop.

Dan muzzen de kinder hen ’t schoel, is ’t under de neuze nog glad?

Even de schötteldoek en zie kwammen weer netties op pad.

Dan muz ie taofel ofwasschen zo as dat giet,

O, méensen, wat is dat water joh iet.

Flink petsen en blaozen tegen de schötteldoek an,

Zodat men veur ’t ofdeugen goed oetwringen kan.

Kwam de boer ‘smiddags weer, had wat mes an de handen,

De piep was wat voel, wöl ok niet best branden.

Even under de pomp, dab was ’t dikste der of,

En de schötteldoek dreugde alles natuurlijk wéer of.

Jan kwam oet schoel, had een bloedneuze kregen,

Bij hinderkien muz ie een vlot modder ofvegen. Kloasie had een dooie moes in de hand,

Moar de schötteldoek muuk alles weer netties an kant.

Ha, die muggen hadden overal van die stippies op daon ,

Daor muz de schötteldoek ok even over gaon.

Manlu waren veur ‘t eten een borrel gewoon,

Even de schötteldoek deur de glassies en die waren ok wee schoon.

Kreej dan ’s avonds veziete, of zo’n dag as nijjaor,

Met de schötteldoek was ie de hiele dag klaor.

Dan begunt ’t poppien te réeren, de luier was voel,

Maor de schötteldoek reinigt de Hiele boel.

Domnee kwam op hoesbezuuk, och en zo’n man,

Die biedt ie gien daags koppien met koffie an.

De zundagse koppies kun wat stoffig mangs wezen, ok dizze kwaol kan de schötteldoek genezen.

Wolden d’kinder niet héuren, manlu pasten niet op,

Kregen ze eveen een klets met de schötteldoek um de kop.

En bij de winterdag, dan kun je vaak héuren,

De schötteldoek was oes op taofel bevréuren.

Zo gung dat maor deur, tot ‘avonds nao ’t eten,

Stoelen waren wat besméerd, die moe jok niet vergeten.

Zo bint wij met de schötteldoek de dag ies rond gaon.

Was ieder hen bedde, was ’t warken gedaon.

Op ’t blokkien met de kopspiekers lig de schötteldoek en wacht,

Tot het wark weer begunt, nao de rust van de nacht.

Marchien Duker.


Bekijk gebruikers profiel Stuur privé bericht


Advertentie











Pagina 1 van 1

Plaats reactie